Lore moztua eta landareak

MIMIKU

Mimiku loradenda. Landareak beti ondo. Loreak beti ondo. Pertsonak beti ondo. Easo kalean lokal berria irekiko dugu.

Aste batean batzuk ureztatzen ditut. Beste batean beste batzuk. Landareak atarian, etxean, bulegoan, tabernan, kontsultan, liburutegian… Nahi duzun lekuan.
Aste batean batzuk daramatzat. Beste batean beste batzuk. Aitarentzat, amonarentzat, bikotekidearentzat, lagunarentzat, alabarentzat, aitaginarrebarentzat, niretzat… Nahi duzunarentzat.

Aste batean batzuk. Beste batean beste batzuk. Maite zaitudalako, maite nauzulako, itzultzen zarelako, joaten zarelako, zarelako, naizelako, garelako… Bai horixe! Oparitu loreak!
Zerk inspiratzen zaitu? Zer gustatzen zaizu? Zeren bila zabiltza? Detailetxo bat zure etxerako edo opari bat zure gurasoentzat? Kontaiguzu. Enkarguekin asmatzea gustatzen zaigu.

Landare indartsuak eta erresistenteak mimatzen ez dituztenentzat. Leunak eta delikatuak maite dituztenentzat. Hosto zabalekoak, zurtoin finekoak, burugogorrak, zorrotzak, goxoak…
Lore moztua hitzak amaitzen direnerako. Forma eta kolorea hitz egiten dutenerako. Gure espezialitatea.

Ezkontza bat goitik behera? Urtebetetze inprobisatua? Afari informal bat? Beste Eguberri bat? Hileta bat? Behar duzunera egokitzen diren hainbat zerbitzu eskaintzen ditugu. Kontsulta gaitzazu.